Тэнгэр ХХК

Тэнгэр ХХК-нь анх 1991 онд байгуулагдан хүнсний импорт, бөөний худалдааны чиглэлээр үйл ажиллагаагаа явуулж байна. Мөн дэлхийн 17 улсын 30 гаруй компаны нийт 500 гаруй нэр төрлийн чанартай бараа бүтээгдхүүнийг монголын зах зээлд түргэн шуурхай нийлүүлдэг худалдаа үйлчилгээний салбартаа тэргүүлэгч үндэсний ууган импортлогч компаниудын нэг юм. Тус компани нь 1998 онд монгол улсад анх удаа өдөрт 2000 хүнд үйлчлэх хүчин чадал бүхий 1560 м2 бөөний худалдааны төвийг дэлхийн стандартын түвшинд байгуулсан бол 2008 онд “Худалдааны газар түүний үйлчилгээ MNS 5021:2007 улсын стандарт хангаж Монгол улсын хэмжээнд загвар агуулах худалдааны төвийн нэг болж чадсан ба 1000 тн бараа бүтээгдхүүнийг стандартын дагуу хадгалах энгийн болон гаалийн баталгаат агуулахтай юм. Мөн манай компани нь бөөний худалдааны төвөөрөө дамжуулан хот болон хөдөө орон нутгийн бизнес эрхлэгч нар болон уул уурхайн томоохон байгууллагуудтай хамтран хангамжийн үйлчилгээг нэвтрүүлэн ажиллаж байна.

Тэнгэр плаза ХХК

Тэнгэр плаза ХХК-нь 2014 онд Монгол улсын засгийн газрын бодлогын хүрээнд “Хүнсний гол нэрийн бүтээгдхүүний үнийг тогтворжуулах төсөл” хөтөлбөрийн дагуу 11453 м2 талбай бүхий 2 давхар худалдаа үйлчилгээ үйлдвэрлэл болон конторын хэсгээс бүрдсэн гадна талбайдаа 300 гаруй автомашины камержсан зогсоолтой өдөртөө 10000 гаруй үйлчлүүлэгчдэд Тэнгэр плаза худалдаа үйлчилгээний төвийг шинээр ашиглалтанд оруулсан. Тус худалдааны төв нь орчин үеийн шинэлэг технологийн шийдэл бүхий бүтэц зохион байгуулалт дотоод заслыг өөртөө тусган хэрэглэгчдийнхээ тав тухыг хангах тохилог орчныг бүрдүүлсэн худалдаа үйлчилгээний цогцолбор төв юм. Мөн гадна талдаа 300 гаруй автомашины зогсоолтой 2 давхар үйлчилгээ үйлдвэрлэл болон конторын хэсгээс бүрдсэн өдөртөө 10000 гаруй үйлчлүүлэгчдэд 25000 гаруй нэр төрлийн бараа бүтээгдхүүнээр үйлчлэн ажиллаж байна.

Тэнгэр тауэр ХХК

Тэнгэр тауэр ХХК нь 2012 онд барилга угсралт, барилгын худалдаа барилга угсралтанд зориулагдсан тоног төхөөрөмжийн түрээсийн чиглэлээр байгуулагдан үйл ажиллагаа явуулж эхэлсэн. Манай компани нь 2013 оноос эхлэн эх орныхоо бүтээн байгуулалт, хөгжил цэцэглэлтийн өнгө төрх, үзэмжийг нэмэх үүднээс БНСУ-ын КСС корпорацийн ОУ-ын ISO 9001, ISO 14001 чанарын стандартыг хангасан барилгын заслын материал болох гадна дотор эмульс,будаг, пвс хулдаас зэргийг албан ёсны диллер компани. Мөн Тэнгэр тауэр ХХК нь 2014 оноос барилгын материалын худалдааг өргөжүүлэн ОХУ-ын Многоотраслевая Производственная Компания КРЗ компанийн дээврийн материал болох дээд зэргийн чанартай хар цаасыг монголын зах зээлд нийлүүлэн ажиллаж байна.

Дархан Меат фүүдс ХХК

Манай компани нь Дархан-Уул аймгт 2009 онд мах махан бүтээгдэхүүний үйлдвэрлэл чиглэлээр үүсгэн байгуулагдсан. Тус компани нь 2014 оны байдлаар Дархан-Уул аймгийн хүн амын махны хэрэгцээний 40-50%-г хангаж ажиллаж байгаагаас гадна, Монгол улсын хэмжээнд махны экспортын 25-30% бэлтгэн нийлүүлж ирсэн. Манай компаний эрхэм зорилго болох Монгол малын махыг байгалийн цэвэр бүтээгдэхүүн талаас нь дэлхийд таниулж, хэрэглэгчдэд эрүүл ахуйн чанартай бүтээгдэхүүнийг олон үе, шат дамжлаггүйгээр хэрэглэгчидэд хүргэхэд оршино.Бид 2012онд Дархан-Уул аймагт байрлах өөрийн “Дархан меат фүүдс” ХХК үйлдвэртээ өргөтгөл хийн, НҮБ-ын Хүнс, Хөдөө Аж Ахуйн байгууллага болон Дэлхийн Эрүүл мэндийн байгууллагын хамтарсан “Хүнсний хууль эрх зүйн комисс” буюу /Codex Alimentarius Commission/-оос хууль удирдамж, зөвлөмж, стандартыг баримтлан,2013 оны байдлаар олон улсад хүлээн зөвшөөрөгдсөн ISO 9001:2008, ISO 22000:2005, “Эгзэгтэй цэгийн аюулгүй байдлыг хянах тогтолцоо” буюу /HACCP/ зэрэг стандартуудыг үйлдвэрлэлдээ нэвтрүүлсэн.

Баатарууд тэнгэр ХХК

Манай компани нь 2003 онд мал, мах бэлтгэл, гадаад дотоод худалдааны чиглэлээр үйл ажиллагаа явуулахаар үүсгэн байгуулагдсан. Тус компани нь 2014 оны байдлаар Улаанбаатар хотын хүн амын махны хэрэгцээний 15%, Дархан-Уул аймгийн хүн амын махны хэрэгцээний 40-50%-г хангаж ажиллаж байгаагаас гадна Монгол улсын хэмжээнд махны экспортын 25-30% бэлтгэн нийлүүлж ирсэн. Мөн манай компаний эрхэм зорилго болох: монгол малын махыг байгалийн цэвэр бүтээгдэхүүн талаас нь дэлхийд таниулсан “ДАРХАН МАХ“ брэнд бий болгож, хэрэглэгчдэд эрүүл ахуйн эрүүл ахуйн чанартай бүтээгдэхүүнийг олон шат дамжлаггүй хүргэхэд оршино.

Тэнгэр агро ХХК

Тэнгэр агро ХХК “Тэнгэр Агро” ХХКомпани нь 2014 онд байгуулагдсан. Голланд загварын бүрэн автомат шилэн хүлэмж байгуулан Төв аймгийн Сэргэлэн суманд үйл ажиллагаа явуулж байна. Голчлон улаан лойл, өргөст хэмх, гүзээлзгэнэ тариалан Улаанбаатар хотын томоохон зах худалдааны төвүүдэд худалдаалж байна.